தேசிய அபிவிருத்தி வங்கியில் (NDB) இடம்பெற்றதாகக் கூறப்படும் நிதி மோசடியின் மொத்த பாதிப்பு 13.6 பில்லியன் ரூபாயாக அதிகரித்துள்ளதாக இறுதித் தணிக்கை அறிக்கை வெளிப்படுத்தியுள்ளது. பாராளுமன்ற அரச நிதி பற்றிய குழுவில் (COPF) இந்த விவகாரம் ஆராயப்பட்டபோது, இலங்கை மத்திய வங்கி அதிகாரிகள் இதனை உறுதிப்படுத்தினர்.
2016 ஏப்ரல் முதல் 2026 மார்ச் வரை இடம்பெற்றதாகக் கூறப்படும் இந்த முறைகேட்டில், 2025 ஆம் ஆண்டில் மட்டும் 9.6 பில்லியன் ரூபாயும், 2026 ஆம் ஆண்டின் முதல் காலாண்டில் 2.5 பில்லியன் ரூபாயும் மோசடி செய்யப்பட்டுள்ளதாக தெரிவிக்கப்பட்டுள்ளது.
எனினும், வாடிக்கையாளர்களின் கணக்குகள் எதுவும் பாதிக்கப்படவில்லை என அதிகாரிகள் தெரிவித்தனர். CEFT பரிவர்த்தனைகள், தரவுத்தள கட்டுப்பாடுகள், உள் தணிக்கை மற்றும் இடர் மேலாண்மை அமைப்புகளில் காணப்பட்ட பாரிய குறைபாடுகளே இந்த மோசடிக்கு வழிவகுத்ததாக அறிக்கையில் சுட்டிக்காட்டப்பட்டுள்ளது.
மேலும், வெளிப்புற தணிக்கையாளர்கள் இத்தவறுகளை கண்டறியத் தவறியமை குறித்தும் கூட்டத்தில் கடும் கவலை வெளியிடப்பட்டது.
