ஒக்டோபர், நவம்பர் மற்றும் டிசம்பர் ஆகிய மூன்று மாதங்களுக்கும் எரிபொருள் மானியம் வழங்க அரசாங்கம் நடவடிக்கை எடுக்கவுள்ளதாக ஜனாதிபதி அநுர குமார திசாநாயக்க தெரிவித்துள்ளார்.
கம்பஹாவில் நடைபெற்ற மக்கள் பேரணியில் உரையாற்றியபோது அவர் இந்த அறிவிப்பை வெளியிட்டார். இந்த மானியத் திட்டத்திற்காக ரூ.4,100 கோடி நிதி ஒதுக்கப்படவுள்ளதாகவும் தெரிவிக்கப்பட்டுள்ளது.
எரிபொருள் விலை உயர்வால் மக்களுக்கும் பல்வேறு துறைகளுக்கும் ஏற்பட்டுள்ள பொருளாதாரச் சுமையைக் குறைக்கும் நோக்கில் இந்த நடவடிக்கை மேற்கொள்ளப்படுவதாக ஜனாதிபதி குறிப்பிட்டார். குறித்த திட்டம் தொடர்பான அமைச்சரவை அனுமதி மற்றும் நடைமுறை வழிகாட்டுதல்கள் விரைவில் வெளியிடப்படும் என எதிர்பார்க்கப்படுகிறது.
