களனி கங்கையின் நீர்மட்டம் அதிகரித்து வருவதால், அதன் தாழ்நிலப் பகுதிகளுக்கு நீர்ப்பாசனத் திணைக்களம் சிறிய அளவிலான வெள்ள அபாய எச்சரிக்கை விடுத்துள்ளது.
தெஹியோவிட்ட, ருவன்வெல்ல மற்றும் சீதாவக்கை ஆகிய பிரதேச செயலகப் பிரிவுகளுக்கு உட்பட்ட, களனி கங்கை பாயும் தாழ்நிலப் பகுதிகளில் வாழும் மக்கள் விழிப்புடன் இருக்குமாறு கேட்டுக்கொள்ளப்பட்டுள்ளனர்.
அண்மைய மழைப்பொழிவு காரணமாகவே இந்த நீர்மட்ட உயர்வு ஏற்பட்டுள்ளது. ஆற்றை ஒட்டியுள்ள தாழ்நிலப் பகுதிகளில் வசிக்கும் பொதுமக்கள் மற்றும் பாதசாரிகள் எச்சரிக்கையுடனும், அவதானத்துடனும் செயற்படுமாறு நீர்ப்பாசனத் திணைக்களம் அறிவுறுத்தியுள்ளது.
மேலும், காலநிலை மாற்றங்கள் குறித்து வெளியாகும் உத்தியோகபூர்வ அறிவிப்புகளைத் தொடர்ந்து அவதானிக்குமாறும், ஏதேனும் அவசர நிலை ஏற்பட்டால் உடனடியாக அசையக்கூடிய வகையில் ஆயத்தமாக இருக்குமாறும் கேட்டுக்கொள்ளப்படுகிறார்கள்.
