நீர்கொழும்பு சிறைச்சாலையில் கடந்த 6-ஆம் திகதி ஏற்பட்ட துரதிர்ஷ்டவசமான மோதல் சம்பவத்தில் உயிரிழந்த 7 சிறைச்சாலை அதிகாரிகளின் உடல்கள், இன்று (08) காலை வாகனப் பேரணியாக வெலிக்கடை சிறைச்சாலைக்குக் கொண்டு வரப்பட்டன. அங்கு சக அதிகாரிகள் மற்றும் பணியாளர்கள் ஒன்றிணைந்து, உயிரிழந்த வீரர்களுக்குத் தகுந்த இறுதி மரியாதையைச் செலுத்தினர்.
இந்தச் சம்பவம் சிறைச்சாலை நிர்வாகம் மற்றும் பாதுகாப்புத் துறையில் பெரும் சோகத்தை ஏற்படுத்தியுள்ளது. இறுதி மரியாதை நிகழ்வுகளைத் தொடர்ந்து, உயிரிழந்த அதிகாரிகளின் பூதவுடல்கள் அவர்களின் குடும்பத்தினரிடம் கையளிக்கப்படவுள்ளன.
நீர்கொழும்பு சிறைச்சாலையில் ஏற்பட்ட இந்த வன்முறைச் சம்பவம் நாடு முழுவதும் பெரும் அதிர்வலைகளை ஏற்படுத்தியுள்ள நிலையில், இது குறித்த மேலதிக விசாரணைகள் தொடர்ந்து நடைபெற்று வருகின்றன. இழந்த அதிகாரிகளின் குடும்பத்தினருக்கு ஆழ்ந்த இரங்கல்கள் தெரிவிக்கப்படுகின்றன.
