ஆஸ்திரேலியாவின் சிட்னி நகரில் உள்ள போண்டி கடற்கரையில் நடைந்த துப்பாக்கிச் சூடு சம்பவத்தில், பொதுமக்கள் ஒன்பது பேர் மற்றும் தாக்குதல் நடத்தியவர்களில் ஒருவர் என 10 பேர் உயிரிழந்ததாக அதிகாரிகள் தெரிவித்துள்ளனர். மேலும், இரண்டாவது சந்தேகிக்கப்படும் நபர் போலீசார் கட்டுப்பாட்டில் உள்ளதாகவும், அவரது உடல்நிலை மிகவும் மோசமாக இருப்பதாகவும் கூறப்பட்டுள்ளது.
இந்த தாக்குதலில் காவல்துறையைச் சேர்ந்த இரண்டு அதிகாரிகள் உட்பட மொத்தம் 11 பேர் காயமடைந்துள்ளனர். சம்பவம் நடந்த பகுதியைச் சுற்றியுள்ள இடங்களில் சந்தேகத்திற்கிடமான சில பொருட்கள் கண்டுபிடிக்கப்பட்டுள்ளன. அவற்றை சிறப்பு நிபுணர் குழுக்கள் ஆய்வு செய்து வருவதால், அந்தப் பகுதியில் பாதுகாப்பு வளையம் தொடர்ந்து அமலில் உள்ளது.
இந்த துப்பாக்கிச் சூடு, ‘சானுக்கா பை தி சீ’ எனப்படும் ஹனுக்கா கொண்டாட்டத்தின் போது நடைபெற்றதாக தெரிவிக்கப்பட்டுள்ளது. யூதர்களின் முக்கியமான மத விழாவின் தொடக்கத்தை குறிக்கும் இந்த நிகழ்ச்சிக்காக, போண்டி கடற்கரைக்கு அருகிலுள்ள புல்வெளி பகுதியில் நூற்றுக்கணக்கான மக்கள் கூடியிருந்த நிலையில் தாக்குதல் நடத்தப்பட்டுள்ளது.
