ஆஸ்திரேலிய அரசு இணைய பாதுகாப்பை வலுப்படுத்தும் நோக்கில் உலகத்தில் முதன்முறையாக மிகக் கடுமையான சட்டத்தை அமல்படுத்தியுள்ளது. இந்த புதிய சட்டத்தின் படி, 16 வயதுக்குக் கீழே உள்ள குழந்தைகள் எந்த சமூக ஊடகத்திலும் கணக்கு உருவாக்கவோ, பயன்படுத்தவோ முடியாது. ஏற்கனவே கணக்கு வைத்துள்ள ஆயிரக்கணக்கான குழந்தைகளின் கணக்குகள் அவை அமலுக்கு வரும் நாளிலிருந்து தானாகவே நீக்கப்படும். Meta, TikTok, Snapchat, YouTube போன்ற நிறுவனங்கள் இதற்கான தயாரிப்புகளில் இறங்கியுள்ளன.

இந்தச் சட்டம் ஆஸ்திரேலிய பாராளுமன்றத்தில் நிறைவேற்றப்பட்டு ஒரு வாரத்திற்குள் அமலில் வரும் என அரசு தெரிவித்துள்ளது. இது அமலில் வந்தவுடன் Instagram, Facebook, Threads உள்ளிட்ட Meta நிறுவனங்களின் தளங்களில் உள்ள 16 வயதுக்குட்பட்ட பயனர்கள் தானாக வெளியேற்றப்படுவார்கள். Meta நிறுவனம் ஏற்கனவே இந்த நடவடிக்கையைத் தொடங்கியுள்ளதாகவும் அறிவித்துள்ளது.