சுண்டிகுளம் பகுதியில் வெள்ளத் தணிப்புப் பணியில் ஈடுபட்டிருந்தபோது காணாமல்போன ஐந்து இலங்கை கடற்படை வீரர்கள் உயிரிழந்துவிட்டதை பொலிஸார் உறுதிப்படுத்தியுள்ளனர்.பொலிஸ் தகவலின்படி, இன்று முன்னதாக கடற்படையினர் நீர் வழித்தடத்தை அகலப்படுத்தும் பணியில் ஈடுபட்டிருந்தபோதே காணாமல்போனதாகத் தெரிவிக்கப்பட்டுள்ளது. இதனையடுத்து, கடற்படையினர் உடனடியாக தேடல் மற்றும் மீட்புக் குழுக்களை களமிறக்கி விசேட தேடுதல் நடவடிக்கையை ஆரம்பித்தனர்.இச்சம்பவம் நடந்தபோது, உயிரிழந்தவர்கள் அப்பகுதியில் வெள்ள நிவாரணப் பணிகளில் ஈடுபட்டிருந்த குழுவைச் சேர்ந்தவர்கள் என கடற்படை பேச்சாளர் கப்டன் கயான் விக்ரமசூரிய தெரிவித்துள்ளார்.சவாலான வானிலை நிலவிய போதிலும், ஐந்து பேரின் சடலங்களையும் மீட்கும் பணியில் அதிகாரிகள் ஈடுபட்டிருந்ததால், தேடுதல் நடவடிக்கைகள் மாலை வரை தொடர்ந்தன.
