நிவாரண உதவியாக இலங்கைக்கு 50,000 அமெரிக்க டொலர் நிதி உதவியையும், 25,000 டின் மீன் பெட்டிகளை நன்கொடையாகவும் வழங்க மாலைத்தீவு அரசு முடிவு செய்துள்ளது.திட்வா சூறாவளியால் பாதிக்கப்பட்டவர்களுக்கு மாலைத்தீவு மக்களின் சார்பாக இந்த உதவி இலங்கைக்கு வழங்கப்படும் என்று மாலைத்தீவு அரசு ஒரு அறிக்கையில் தெரிவித்துள்ளது.இந்த உதவி, அதன் நெருங்கிய அண்டை நாடான இலங்கை மற்றும் நட்பு இலங்கையர்களுடனான மாலைத்தீவின் ஒற்றுமையை நிரூபிக்கிறது என்றும் அரசாங்கம் தெரிவித்துள்ளது.பாதிக்கப்பட்ட மக்களுக்கு உதவ இலங்கை அரசு எடுக்கும் முயற்சிகளுக்கு இந்த உதவி துணைபுரியும் என்று நம்புவதாகவும் மாலைத்தீவு அரசு தெரிவித்துள்ளது.இது இரு நாடுகளுக்கும் இடையிலான ஆழமான நட்பை தெளிவாக பிரதிபலிக்கிறது என்றும் மாலைத்தீவு அரசு கூறுகிறது.