கொழும்பு: ஸ்ரீலங்கன் ஏர்லைன்ஸ் விமானத்தில் இரண்டு பெண் விமானப் பணிப்பெண்களைத் தாக்கியதாகக் கூறப்படும் சவுதி அரேபிய நாட்டவர் ஒருவர் கைது செய்யப்பட்டுள்ளார்.
இந்த சம்பவம் ஞாயிற்றுக்கிழமை (26) நடைபெற்றதாகவும், சந்தேகநபர் ரியாத்தில் இருந்து கொழும்பு நோக்கி வந்த விமானத்தில் இருந்ததாகவும் தெரிவிக்கப்பட்டுள்ளது.
கட்டுநாயக்க விமான நிலைய காவல்துறை அதிகாரிகள் தெரிவித்ததாவது, 28 வயதான அந்த சவுதி நாட்டு நபர் மலேசியாவிற்கு தனது பயணத்தைத் தொடர கட்டுநாயக்க விமான நிலையத்துக்கு வந்திருந்தார்.
முதற்கட்ட விசாரணைகளின்படி, விமானம் தரையிறங்குவதற்கு முன்பாக அனைத்து பயணிகளும் சீட் பெல்ட் கட்டிக்கொண்டு இருக்கும்படி அறிவுறுத்தப்பட்டிருந்தது. ஆனால், சந்தேகநபர் அந்த விதிமுறையை மீறி கழிப்பறைக்கு செல்ல முயன்றதாகவும், இதனால் விமானப் பணிப்பெண்களுடன் வாக்குவாதம் ஏற்பட்டதாகவும் கூறப்படுகிறது.
இந்தச் சூழலில் அவர் இரண்டு பெண் பணிப்பெண்களைத் தாக்கியதாகவும், விமானம் தரையிறங்கியவுடன் காவல்துறையினர் அவரைக் கைது செய்ததாகவும் தகவல்கள் வெளியாகியுள்ளன.
அவர் இன்று (27) கொழும்பு தலைமை நீதவான் நீதிமன்றத்தில் ஆஜர்படுத்தப்பட உள்ளார்.
