அமெரிக்கா மற்றும் ஈரான் இடையிலான பதற்ற நிலை தொடர்ந்துவரும் நிலையில், ஹோர்முஸ் நீரிணையை மீண்டும் திறப்பதற்காக ஈரான் முன்வைத்ததாக கூறப்படும் ஒப்பந்தத்தை அமெரிக்க ஜனாதிபதி டொனால்ட் டிரம்ப் நிராகரித்துள்ளார். குறித்த முன்மொழிவு ஏற்றுக்கொள்ள முடியாதது என அவர் தெரிவித்துள்ளார்.
இதற்கிடையில், யேமன் அரசுப் படைகள் தாயிஸ் நகரின் வடபகுதியில் உள்ள அல்-சித்தீன் வீதியில் ஹூதி படையினரின் வலுப்படுத்தும் அணிவகுப்பை இலக்காகக் கொண்டு தாக்குதல் நடத்தியதாக அறிவித்துள்ளன. மேலும், கிழக்கு தாயிஸ் மாகாணத்தில் உள்ள ஹூதி நிலைகள், ஆயுதக் கிடங்குகள் மற்றும் ஏவுகணைத் தளங்களும் தாக்கப்பட்டதாக தெரிவிக்கப்பட்டுள்ளது.
மறுபுறம், சமீபத்திய வான்வழி கட்டுப்பாடுகளுக்கு பதிலடி தாக்குதல் நடத்த ஈரான் திட்டமிட்டுள்ளதாக வெளியான தகவல்களை ஈரானின் உச்ச தேசிய பாதுகாப்பு சபை மறுத்துள்ளது.அதேவேளை, ஈராக் மற்றும் ஈரான் அதிகாரிகள் விமான சேவைகள் தொடர்பாக பேச்சுவார்த்தைகளை முன்னெடுத்து வருவதாகவும், விரைவில் புதிய தீர்மானம் அறிவிக்கப்படலாம் என ஈரானின் ஈராக் தூதுவர் முகம்மத் காஸிம் அல்-சாதிக் தெரிவித்துள்ளார்.
