முன்னாள் பிரதி அமைச்சர் சரண குணவர்தனவுக்கு தண்டனை இடைக்கால இடைநிறுத்தம் (suspended sentence) பெற்றுத்தருவதற்காக லஞ்சம் பெற்ற சம்பவத்திற்கு உடந்தையாக இருந்த குற்றச்சாட்டில், மினுவாங்கொட நீதவான் நீதிமன்றப் பதிவாளர் இலஞ்ச ஊழல் விசாரணை ஆணைக்குழுவினால் கைது செய்யப்பட்டுள்ளார்.
இவ்வழக்கில் கொழும்பு மேல் நீதிமன்ற ஊழியர் ஒருவருக்கு ரூ. 50,000 லஞ்சம் வழங்க முயன்ற குற்றச்சாட்டில் சரண குணவர்தனவின் மனைவி முன்னதாகக் கைது செய்யப்பட்டு எதிர்வரும் அக்டோபர் 06 வரை விளக்கமறியலில் வைக்கப்பட்டுள்ளார்.
வளர்ச்சி அதிர்ஷ்டலாப சபையின் தலைவராக இருந்தபோது வாகனக் குத்தகை ஊழல் தொடர்பில் சரண குணவர்தனவுக்கு 16 ஆண்டுகள் கடுங்காவல் சிறைத்தண்டனை விதிக்கப்பட்டிருந்தமை குறிப்பிடத்தக்கது.
இச்சம்பவம் தொடர்பில் மேலதிக விசாரணைகளை இலஞ்ச ஊழல் ஆணைக்குழு முன்னெடுத்து வருகிறது.
