ரூ. 71.7 பில்லியன் நிவாரணப் பொதிக்கு அரசாங்க நிதி பற்றிய குழு அனுமதி
மத்திய கிழக்கு யுத்த நிலைமையால் ஏற்பட்ட பொருளாதார நெருக்கடிகளால் பாதிக்கப்பட்ட மக்களுக்கு நிவாரணம் வழங்க அறிமுகப்படுத்தப்பட்ட ரூ. 71.7 பில்லியன் நிவாரணப் பொதிக்கு, கலாநிதி ஹர்ஷ டி சில்வா தலைமையிலான அரசாங்க நிதி பற்றிய குழு (CoPF) அனுமதி அளித்துள்ளது.

இந்த நிவாரணப் பொதியில் அதிகபட்சமாக எரிபொருள் துறைக்காக ரூ. 52.8 பில்லியன் ஒதுக்கப்பட்டுள்ளது. மேலும், இலங்கை மின்சார சபைக்கு ரூ. 15 பில்லியனும், அஸ்வெசும திட்டத்திற்கு ரூ. 8.2 பில்லியனும், யாழ் விவசாயத்திற்கு ரூ. 3 பில்லியனும், சிறு தோட்ட உரிமையாளர்களுக்கு ரூ. 2.2 பில்லியனும், மீன்பிடித் துறைக்கு ரூ. 1.2 பில்லியனும் ஒதுக்கப்பட்டுள்ளன.

இத்தொகை ‘தித்வா’ சூறாவளிப் புனரமைப்பு நிதியின் மீதியிலிருந்து மீள்பகிரப்படுவதால், நாட்டின் செலவின வரம்பு அதிகரிக்காது. அத்துடன், நெடுஞ்சாலைப் பணிகள் மற்றும் அனர்த்த முகாமைத்துவ நிதியத்தை வலுப்படுத்துவது குறித்தும் இதன்போது ஆராயப்பட்டது.