2025 ஆம் ஆண்டில் இலங்கையின் ஆடை மற்றும் ஜவுளி ஏற்றுமதித் துறை குறிப்பிடத்தக்க வளர்ச்சியைப் பதிவு செய்துள்ளது. 2024 ஆம் ஆண்டுடன் ஒப்பிடுகையில், 2025 டிசம்பர் மாத ஏற்றுமதி வருமானம் 23.03 மில்லியன் டொலர்களால் அதிகரித்துள்ளது. இதற்கு அமெரிக்கா (6.49%), ஐரோப்பிய ஒன்றியம் (6.76%) மற்றும் ஐக்கிய இராச்சியம் (12.95%) ஆகிய நாடுகளின் கேள்வி அதிகரிப்பே பிரதான காரணமாகும்.ஒட்டுமொத்தமாக, 2025 ஆம் ஆண்டு முழுமைக்கும் ஆடை ஏற்றுமதி வருமானம் 5.02 பில்லியன் டொலர்களாகப் பதிவாகியுள்ளது. இது முந்தைய ஆண்டின் 4.76 பில்லியன் டொலர்களுடன் ஒப்பிடுகையில் 5.42% வளர்ச்சியாகும். ஏனைய நாடுகளுக்கான ஏற்றுமதி சற்று வீழ்ச்சியடைந்த போதிலும், பிரதான சந்தைகளின் பலத்தால் இலாபகரமான ஆண்டாக இது அமைந்துள்ளதாக ஆடை சங்கங்களின் சம்மேளனம் (JAAF) தெரிவித்துள்ளது.