தமிழக வெற்றிக் கழகம் (TVK) கத்தார் கிளையின் சார்பில், பிரம்மாண்டமான கலை நிகழ்ச்சி மற்றும் புதிய பிரிவு தொடக்க விழா கடந்த நவம்பர் 29-ம் தேதி அல் ஜசீரா அகாடமியில் நடைபெற்றது.‘தளபதி விஜய் கச்சேரி — ஓன் லாஸ்ட் டான்ஸ்’ தளபதி விஜய்யின் திரைப்பயணத்தைக் கொண்டாடும் வகையில், “தளபதி விஜய் கச்சேரி — ஓன் லாஸ்ட் டான்ஸ்” (One Last Dance) என்ற பெயரில் நடைபெற்ற இந்தச் சிறப்பு நிகழ்ச்சியில், கத்தாரில் வசிக்கும் தமிழ் சொந்தங்கள் பெருந்திரளாகக் கலந்துகொண்டனர். விழாவில் விஜய்யின் சூப்பர் ஹிட் பாடல்களுக்கு இசை நிகழ்ச்சிகளும், துடிப்பான நடனங்களும் அரங்கேற்றப்பட்டன. ரசிகர்கள் மற்றும் குடும்பத்தினர் ஆடல், பாடல் என நிகழ்ச்சியை உற்சாகத்துடன் கொண்டாடி மகிழ்ந்தனர்.கலை நிகழ்ச்சிகளுக்கு மத்தியில், சமூகப் பொறுப்புணர்வுமிக்க ஒரு முக்கிய நிகழ்வும் அரங்கேறியது. சமூகத்தில் பெண்களின் பங்களிப்பை விரிவுபடுத்தும் TVK கத்தாரின் முக்கிய முயற்சியாக, “வெற்றிப் பெண்கள்” (Vetri Pengal) எனும் புதிய பெண்கள் பிரிவு அதிகாரப்பூர்வமாகத் தொடங்கி வைக்கப்பட்டது.கத்தார் வாழ் தமிழ் பெண்களை ஒருங்கிணைக்கவும், சமூக மாற்றத்திற்கான பணிகளில் அவர்களை முன்னிறுத்தவும் இந்த ‘வெற்றிப் பெண்கள்’ அமைப்பு ஒரு பாலமாக இருக்கும் என்று எதிர்பார்க்கப்படுகிறது.கலை, கொண்டாட்டம் மற்றும் சமூக விழிப்புணர்வு என இரண்டும் கலந்த கலவையாக நடைபெற்ற இந்த விழா, கத்தார் தமிழ் மக்களிடையே பெரும் வரவேற்பைப் பெற்றது.
