புதிதாக அறிமுகமான ‘ஐபோன் டுவோ’ மடிப்பு போன்களில் திரை கோளாறு: ஆப்பிள் நிறுவனம் ஒப்புக்கொண்டது!
ஆப்பிள் நிறுவனம் புதிதாக சந்தைக்குக் கொண்டுவந்துள்ள ‘ஐபோன் டுவோ’ (iPhone Duo) மடிப்பு போன்களில் ஒரு சில சாதனங்களில் திரை (Display) கோளாறு இருப்பதை அந்நிறுவனம் அதிகாரப்பூர்வமாக ஒப்புக்கொண்டுள்ளதுடன், பாதிக்கப்பட்ட போன்களுக்குப் பதிலாகப் புதிய போன்கள் மாற்றிக் கொடுக்கப்படும் என்றும் அறிவித்துள்ளது.
பாஸ்போர்ட் போல மடியக்கூடிய இந்த ஐபோன் டுவோ விற்பனைக்கு வந்த சில நாட்களிலேயே, அதன் மடியும் பகுதிக்கு அருகில் திரையில் விரிசல்களும் கோடுகளும் தோன்றுவதாகப் பயனர்கள் சிலர் புகார் தெரிவித்தனர்.
இதுகுறித்து விளக்கமளித்துள்ள ஆப்பிள் நிறுவனம், ஒரு சில போன்களில் மட்டுமே இந்தத் திரை கோளாறு ஏற்பட்டுள்ளதாகக் கூறியுள்ளதுடன், பாதிக்கப்பட்ட வாடிக்கையாளர்களை AppleCare ஐத் தொடர்புகொண்டு புதிய போனைப் பெற்றுக்கொள்ளுமாறு அறிவுறுத்தியுள்ளது.
அதேவேளை, போனின் மடியும் பகுதியில் உள்ள ஒரு சிறிய பாகம் திரைக்குக் கூடுதல் அழுத்தத்தைக் கொடுப்பதே இந்த விரிசல்களுக்குக் காரணமாக இருக்கலாம் என ‘iFixit’ என்ற பழுதுநீக்கும் நிபுணர் நிறுவனம் தெரிவித்துள்ளது. இருப்பினும், இக்கோளாறின் உண்மையான காரணம் குறித்து ஆப்பிள் நிறுவனம் இன்னும் அதிகாரப்பூர்வமாக எதுவும் தெரிவிக்கவில்லை.
