விவசாய, காணி மற்றும் நீர்ப்பாசன அமைச்சின் கீழ் உள்ள விவசாய காப்புறுதிச் சபை, 2026 பிப்ரவரி மாதத்தை ‘காப்புறுதி மாதம்’ ஆகப் பிரகடனப்படுத்தியுள்ளது. இயற்கை அனர்த்தங்கள், காட்டு யானைகள் மற்றும் நோய்களினால் ஏற்படும் பயிர்ச் சேதங்களுக்கு இழப்பீடு வழங்குவதே இதன் நோக்கமாகும்.நெல், மக்காச்சோளம் முதல் இஞ்சி, வாழை வரை பலதரப்பட்ட பயிர்களுக்கு இத்திட்டம் பொருந்தும். தானியங்கள் மற்றும் மரக்கறி வகைகளுக்கு ஏக்கருக்கு 7% குறைந்த தவணைக் கட்டணத்தில் ரூபா 60,000 முதல் 100,000 வரை காப்புறுதிப் பாதுகாப்பு வழங்கப்படுகிறது. மேலதிக விபரங்களை மாவட்ட விவசாய காப்புறுதி அலுவலகங்களில் பெற்றுக்கொள்ளலாம். விவசாயிகள் இச்சலுகையைப் பயன்படுத்தி தமது வாழ்வாதாரத்தைப் பாதுகாக்குமாறு கேட்டுக்கொள்ளப்படுகிறார்கள்.
