நீர்கொழும்பு சிறைச்சாலை வளாகத்திற்குள் மீண்டும் கடும் பதற்றமான சூழ்நிலை ஏற்பட்டுள்ளது. கைதிகளுக்கும் சிறைச்சாலை அதிகாரிகளுக்கும் இடையே ஏற்பட்ட மோதலில், காயமடைந்த 12 சிறைச்சாலை அதிகாரிகள் அவசரமாக மருத்துவமனையில் அனுமதிக்கப்பட்டுள்ளனர்.
சிறைக்குள் நிலைமை கட்டுக்கடங்காமல் சென்றதை அடுத்து, நிலைமையை உடனடியாகக் கட்டுப்பாட்டுக்குள் கொண்டு வருவதற்காகப் போலீஸ் விசேட அதிரடிப்படையினர் (STF) அதிரடியாக வரவழைக்கப்பட்டுள்ளனர்.
தற்போது சிறைச்சாலை வளாகத்தைச் சுற்றிப் பலத்த பாதுகாப்பு வளையம் அமைக்கப்பட்டுள்ளது. சிறைச்சாலைக்குள் ஏற்பட்டுள்ள இந்த திடீர் வன்முறை மற்றும் பதற்றத்திற்கான துல்லியமான காரணம் குறித்த மேலதிக விபரங்கள் இன்னும் வெளியாகவில்லை என அங்கிருக்கும் நமது செய்தியாளர் தெரிவித்துள்ளார்.
